الفيسبوك



ها النور طلع على كاع الرجال

و اغتصب المسكين السكات

زمان الذل مبقاه صبح محال

و لي بغا يدرك شي ، ترانو ما فات

ولي بغا حقو راه وقتو جا بالحلال

القفة عندنا كاملين من السوق تكون تقادات

الكبير يشرب ما بغا هادي شحال

و المسكين يشرب الماء مع الفتات

قلنا نصبرو على و عسى يبان الحق الزلال

الشيب طرطق ف الراس و الصحة فنات

ما بان لينا ما ظهر ما غطاه غربال

لي مشا للمقاطعة يدهن و يكره المؤسسات

الاعلام عمى راسو ما فرق بين المثقف وبين و زير ليها حمّال

هادي تلفزة مسيسة و هادي قناة هرمات

عيينا ما نصيحو مرة بالوراق مرة بالجرنال

جا الفيس بوك عرى الريوس و نزل الطاقيات

صبح كلامنا مسموع من تونس للخليج و شمل كل مجال

ما بقا حشوم ما بقى خوف ما بقا غير التهلال

من فواه لحرار شباب و شابات

كلنا يد وحدة يسار و يمين و كل من طل عليه هلال

هذا عربي هذا شلح ، هذا جبلي هذا ريفي ، هنا كل الحركات

اليوم الشارع دوى و نصدقوه إلا قال

الحرية و الكرامة و التسوية راها جات


سعاد صالح البدري16/०३/२०११

خواطر أخرى :