ما تبيعوا جامع الفنا
هزني الشوق لحبيبة البهجة
و بغيت زعما نستقر بشي رياض
ما لقيت من يرد لغايا و لا عبرني عبار
عاود دقيت و دقيت
كلموني ، ساوموني مرة بالأورو و مرة بالدولار
فهمت بلي هما صحاب المدينة كاملة
قالوا مرحبا بشرط تحيدي الفولار
رجعت للساحة و دموعي على خدي
ولاو هما الأمر ، هما الراي و الشوار
بحرقة تهت نسول و نسال
علاش بهجاوة تركوا الأصل و سكنوا بالدوار
يا البايع عماك العدو بالصرف و مشيتي لتامصلوحت
فالشتا غيس ، و بالصيف غبار
مالك على حالك ضيعتي تعب الاجداد
و تخليتي على السقاية ، الجرادي و النوار
آش ناقصك بلبلاد ا لمهور
واش ترضى تكون يوم من ليام سباب فلستعمار
ما تقبلتها منك يا خالي و لا سرطها
لا اليوم لا غدا ، لا كل نهار
خليتني حايرة و دماغي يغلي تايهة فجامع الفنا
ملي كنت صغيرة نجري بين عمامي
هذا بباب دكالة ، هذا بكليز ،هذا بدوار العسكر
وخا تندم يا خالي على فعالك اليوم
فات الفوت و كيف ما قالوا قرصتنا و رجعت للغار
غدا يجبدو وريقاتهم باش شراو
يخرجونا من مدينتنا و يدورو بها لسوار
إمت يا سيدي نفيقو من الكلبة ؟
و نشوفو الغربي شماتة و العربي ماشي فالتطوار
يا الجيل الصاعد وقت تفكر في بيع دارك
تراجع و فكر و قول دار الورثة علينا عار
حافظ ع الجورة الحلوة المتينة
مرة عندي ، مرة عندك ، مرة جايبين الطنجية من فوق النار
كلمة : الكلبة هي ليست تعني الحيوان و إنما تعني الدوخة و حرف الكاف ليس عليه ثلاث نقط بلوحة المفاتيح
سعاد صالح البدري
02/08/2010
و بغيت زعما نستقر بشي رياض
ما لقيت من يرد لغايا و لا عبرني عبار
عاود دقيت و دقيت
كلموني ، ساوموني مرة بالأورو و مرة بالدولار
فهمت بلي هما صحاب المدينة كاملة
قالوا مرحبا بشرط تحيدي الفولار
رجعت للساحة و دموعي على خدي
ولاو هما الأمر ، هما الراي و الشوار
بحرقة تهت نسول و نسال
علاش بهجاوة تركوا الأصل و سكنوا بالدوار
يا البايع عماك العدو بالصرف و مشيتي لتامصلوحت
فالشتا غيس ، و بالصيف غبار
مالك على حالك ضيعتي تعب الاجداد
و تخليتي على السقاية ، الجرادي و النوار
آش ناقصك بلبلاد ا لمهور
واش ترضى تكون يوم من ليام سباب فلستعمار
ما تقبلتها منك يا خالي و لا سرطها
لا اليوم لا غدا ، لا كل نهار
خليتني حايرة و دماغي يغلي تايهة فجامع الفنا
ملي كنت صغيرة نجري بين عمامي
هذا بباب دكالة ، هذا بكليز ،هذا بدوار العسكر
وخا تندم يا خالي على فعالك اليوم
فات الفوت و كيف ما قالوا قرصتنا و رجعت للغار
غدا يجبدو وريقاتهم باش شراو
يخرجونا من مدينتنا و يدورو بها لسوار
إمت يا سيدي نفيقو من الكلبة ؟
و نشوفو الغربي شماتة و العربي ماشي فالتطوار
يا الجيل الصاعد وقت تفكر في بيع دارك
تراجع و فكر و قول دار الورثة علينا عار
حافظ ع الجورة الحلوة المتينة
مرة عندي ، مرة عندك ، مرة جايبين الطنجية من فوق النار
كلمة : الكلبة هي ليست تعني الحيوان و إنما تعني الدوخة و حرف الكاف ليس عليه ثلاث نقط بلوحة المفاتيح
سعاد صالح البدري
02/08/2010
0 رد على "ما تبيعوا جامع الفنا"
إرسال تعليق